2025թ. սեպտեմբերի 18-ից 19-ը Երևանում տեղի է ունեցել ԱՊՀ անդամ-պետությունների հաշվապահական հաշվառման հարցերով համակարգող խորհրդի (այսուհետ՝ Համակարգող խորհուրդ) XXII նիստը:
Համակարգող խորհրդի XXII նիստին մասնակցել են Համակարգող խորհրդի անդամները՝ ԱՊՀ մասնակից պետությունների՝ հաշվապահական հաշվառումը և աուդիտը կարգավորող լիազոր մարմինների ներկայացուցիչները
Հայաստանի Հանրապետությունից,
Բելառուսի Հանրապետությունից,
Ղազախստանի Հանրապետությունից,
Ղրղզստանի Հանրապետությունից,
Ռուսաստանի Դաշնությունից,
Տաջիկստանի Հանրապետությունից,
Ուզբեկստանի Հանրապետությունից։
Նիստին մասնակցել են նաև ԱՊՀ գործադիր կոմիտեի ներկայացուցիչները:
Նիստի ընթացքում քննարկվել են հետևյալ հիմնական հարցերը.
- ֆինանսատնտեսական ոլորտում ԱՊՀ անդամ-պետությունների փոխգործակցության ներկայիս վիճակը և Համակարգող խորհրդի 2025 – 2026թթ. խնդիրները,
- մինչև 2030թ. ընկած ժամանակահատվածում ԱՊՀ տնտեսական զարգացման ռազմավարության I փուլի (2021-2025թթ.) իրագործման միջոցառումների ծրագրի ընթացքը,
- մինչև 2030թ. ընկած ժամանակահատվածում ԱՊՀ տնտեսական զարգացման ռազմավարության II փուլի (2026-2030թթ.) իրագործման միջոցառումների ծրագրի նախագիծը,
- հաշվապահական հաշվառումը կարգավորող ազգային համակարգերի զարգացման, այդ թվում՝ ֆինանսական հաշվետվությունների միջազգային ստանդարտների կիրառման փորձը,
- աուդիտորական գործունեության կարգավորման ազգային համակարգերի զարգացման, այդ թվում՝ աուդիտի միջազգային ստանդարտների կիրառման փորձը,
- ԱՊՀ անդամ-պետություններում աուդիտորական ծառայությունների շուկայի վիճակը,
- ԱՊՀ անդամ-պետություններում ֆինանսական հաշվետվությունների միջազգային ստանդարտների (ՖՀՄՍ) կայունության բացահայտման չափանիշների կիրառման կազմակերպումը,
- Համակարգող խորհրդի 2026թ. նախագահի ընտրությունը,
- Համակարգող խորհրդի հերթական նիստի անցկացումը,
- ԱՊՀ անդամ-պետությունների հաշվապահական հաշվառման հարցերով համակարգող խորհրդի XXII նիստի վերաբերյալ տեղեկատվական հաղորդագրությունը:
Համակարգող խորհուրդը որոշել է.
- շարունակել ԱՊՀ անդամ պետությունների կառավարությունների ղեկավարների խորհրդի կողմից հաստատված մինչև 2030 թվականը ընկած ժամանակահատվածի համար ԱՊՀ տնտեսական զարգացման ռազմավարության և դրա առաջին փուլի (2021–2025թթ.) իրագործման միջոցառումների ծրագրի ուղղությամբ աշխատանքները։
- շարունակել
- հաշվապահական հաշվառումը կարգավորող ազգային համակարգերի զարգացման, այդ թվում՝ ֆինանսական հաշվետվությունների միջազգային ստանդարտների կիրառման փորձի փոխանակումը,
- աուդիտորական գործունեության կարգավորման ազգային համակարգերի զարգացման, այդ թվում՝ աուդիտի միջազգային ստանդարտների կիրառման փորձի փոխանակումը,
- ԱՊՀ անդամ-պետություններում ֆինանսական հաշվետվությունների միջազգային ստանդարտների (ՖՀՄՍ) կայունության բացահայտման չափանիշների կիրառման փորձի փոխանակումը,
- ԱՊՀ անդամ-պետություններում աուդիտորական ծառայությունների շուկայի վիճակի առանձին ցուցանիշների մասին տեղեկատվության փոխանակումը:
- Համակարգող խորհրդի 2026 թվականի նախագահ ընտրել Բելառուսի Հանրապետությունից Համակարգող խորհրդի անդամ՝ Բելառուսի Հանրապետության ֆինանսների նախարարության հաշվապահական հաշվառման, հաշվետվությունների և աուդիտի կարգավորման գլխավոր վարչության պետ Տատյանա Նիկոլաևնա Ռիբակին։
- Համակարգող խորհրդի հաջորդ նիստն անցկացնել 2026 թվականի երկրորդ կեսին Բելառուսի Հանրապետությունում:
Համակարգող խորհրդի նիստի մասնակիցները շնորհակալություն են հայտնել Հայաստանի Հանրապետության ֆինանսների նախարարությանը՝ Համակարգող խորհրդի XXII նիստը կազմակերպելու համար։
