ՀՀ ֆինանսների նախարար Վահե Հովհաննիսյանի գլխավորությամբ կայացել է Արժույթի միջազգային հիմնադրամի հայաստանյան առաքելության ղեկավար Ալեքսանդր Թիմանի գլխավորած պատվիրակության՝ ֆինանսների նախարարության հետ ամփոփիչ հանդիպումը:
ԱՄՀ առաքելության ղեկավարը դրական է գնահատել առաքելության ընթացքում իրականացված հանդիպումները նախարարի տեղակալների և գործընթացում ներգրավված կառուցվածքային ստորաբաժանումների հետ՝ անդրադառնալով այն առանցքային հարցերին, որոնց շուրջ այցի շրջանակներում ծավալվել են կառուցողական քննարկումներ:
Կողմերը շնորհակալություն են հայտնել միմյանց արդյունավետ համագործակցության համար՝ ամփոփելով Հիմնադրամի աջակցությամբ իրականացվող պահուստային ծրագրի ներքո սահմանված կառուցվածքային հենանիշների կատարման ընթացքը, հստակեցնելով վերջնաժամկետները, ակնկալվող արդյունքները և համագործակցության հետագա ուղիները:
