ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ

ՀՀ ֆինանսների նախարար Վահե Հովհաննիսյանի գլխավորությամբ տեղի է ունեցել եկամուտների քաղաքականության կատարելագործման ընդլայնված խորհրդի հերթական նիստը, որին մասնակցել են ՀՀ ֆինանսների նախարարության, այլ գերատեսչությունների, հարկ վճարողների շահերը ներկայացնող կազմակերպությունների և միջազգային կազմակերպությունների ներկայացուցիչներ:

Նիստի օրակարգի շրջանակներում քննարկվել են հարկային համակարգի հայեցակարգային փոփոխությունների թեմային վերաբերող մի շարք կարևոր հարցեր։ ՀՀ ֆինանսների նախարարությունը մշտապես բարձր է գնահատում հարկային համակարգի շարունակական կատարելագործմանն ուղղված աշխատանքը՝ կարևորելով արդյունավետ հարկային քաղաքականության ձևավորման գործընթացում մասնագիտական քննարկումների և համագործակցության դերը։