ՀՀ ֆինանսների նախարար Վահե Հովհաննիսյանը հանդիպել է Սլովենիայի Հանրապետության Ֆինանսների գերազանցության կենտրոնի (Center of Excellence in Finance) առաջնորդության և ուսուցման էկոհամակարգերի թիմի ղեկավար Այդա Տուրկի հետ:
Հանդիպման ընթացքում կողմերն անդրադարձել են համագործակցության մանրամասներին, որի շրջանակներում կենտրոնը նախատեսում է իրականացնել ծրագիր, որը միտված է ՀՀ ֆինանսների նախարարության աշխատակիցների շարունակական կրթությանը, ինչպես նաև կորպորատիվ մշակույթի բարելավմանը:
Նախարար Հովհաննիսյանը կարևորել է Ֆինանսների գերազանցության կենտրոնի հետ համագործակցությունը, որը, լինելով ոչ միայն զուտ տեխնիկական աջակցություն, այլև վստահության և գործընկերության խորացման հարթակ, կարող է մեծապես նպաստել պետական ֆինանսական կառավարման համակարգի արդիականացմանը։
