ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ

ՀՀ ֆինանսների նախարարության պատվիրակությունը Բիշկեկում մասնակցել է հանրային ֆինանսների կառավարման ոլորտում փորձի փոխանակման միջազգային կոնֆերանսին։ Պատվիրակության կազմում էին ծրագրերի գնահատման և ներքին աուդիտի քաղաքականության վարչության պետ Գարիկ Պետրոսյանը, բյուջետային գործընթացի համակարգման վարչության պետ Ռուզաննա Գաբրիելյանը և նույն վարչության գլխավոր մասնագետ Լիլիթ Հլղաթյանը:

Կոնֆերանսի ընթացքում նախարարության մասնագետները ներկայացրել են բյուջետային ծրագրերի գնահատման գործառույթի ներդրման փորձը ՀՀ ֆինանսների նախարարությունում, ինչպես նաև քննարկել ծրագրային բյուջետավորման հիմնախնդիրներն ու տարածաշրջանային երկրներում արձանագրված հաջողությունները։