ՀՀ ֆինանսների նախարարությունը փնտրում է փորձառու մասնագետի, որը պատասխանատու կլինի Կառավարության պարտքի կառավարման ռազմավարական ծրագրի նախագծի մշակման, պետական պարտքի ցուցանիշների ծրագրավորման, Կառավարության պարտքի կառավարման ռազմավարական ծրագրի իրագործման և ներդրման, դիտարկման և հարակից այլ գործառույթների իրականացման համար:
Պետական պարտքի կառավարման վարչության գործառնական բաժին
Նկարագրություն
Կառավարության պարտքի կառավարման ռազմավարական ծրագրի նախագծի մշակում, պետական պարտքի ցուցանիշների ծրագրավորում, կառավարության պարտքի կառավարման ռազմավարական ծրագրի իրագործումը և ներդրման դիտարկում, ՀՀ պետական բյուջեի դեֆիցիտի ֆինանսավորման նպատակով ֆինանսական միջոցների ներգրավման հնարավորությունների ու պայմանների հետազոտում, պետական պարտատոմսերի տեղաբաշխման և հետգնման ծրագրերի կազմում, պետական պարտատոմսերի, ինչպես նաև ֆինանսական շուկաների այլ հատվածներում տեղի ունեցող զարգացումների դիտարկում և համապատասխան ֆինանսական գործիքների կիրառում, առաջնային դիլերների ընտրություն, նրանց կողմից առաջնային և երկրորդային շուկաներում ստանձնած պարտավորությունների կատարման դիտարկում, գնահատում և անհրաժեշտության դեպքում պատժամիջոցների կամ խրախուսման միջոցների կիրառում, գանձապետական միասնական հաշվի միջոցների կառավարում, վարկային պայմանագրերի նախագծերի պատրաստում, ակնկալվող վարկերի պայմանների ուսումնասիրում, արտոնյալության աստիճանի գնահատում և նոր վարկային պարտավորությունների ստանձնման նպատակահարմարության վերաբերյալ առաջարկությունների ներկայացում, պետական պարտքի, հարկաբյուջետային գործառնությունների և մակրոտնտեսական ու դրամավարկային ցուցանիշների փոխազդեցության վերլուծություն, մասնակցություն հարկաբյուջետային և դրամավարկային կարճաժամկետ քաղաքականությունների կոորդինացման և այլն:
Պարտականությունները
- կառավարության պարտքի կառավարման ռազմավարության նախագծի մշակման նպատակով ուղենշային ցուցանիշների սահմանում, տվյալների հավաքագրում, վերլուծությունների կատարում, ներքին և արտաքին աղբյուրներից ֆինանսավորման ծավալների հստակեցում,
- կառավարության պարտքի կառավարման ռազմավարության իրագործման նպատակով պետական պարտատոմսերի թողարկման հրամանի նախագծի մշակում, պետական գանձապետական պարտատոմսերի առաջնային տեղաբաշխման և հետգնման աճուրդային համակարգով իրականացվող պետական գանձապետական պարտատոմսերի տեղաբաշխման, փոխանակման և հետգնման աճուրդների կատարում, միջազգային ֆինանսական շուկաներում տեղի ունեցող զարգացումների դիտարկում, արտարժութային պետական պարտատոմսերի նախապատրաստական և թողարկման գործընթացի կատարում.
- պետական բյուջեի դեֆիցիտի ֆինանսավորման նպատակով անհրաժեշտ ֆինանսական միջոցների ներգրավման հնարավորությունների ու պայմանների հետազոտում.
- պետական պարտատոմսերի տեղաբաշխման և հետգնման տարեկան, եռամսյակային և ամսական ծրագրերի մշակում.
- պետական պարտատոմսերի, ինչպես նաև ֆինանսական շուկաների այլ հատվածներում տեղի ունեցող զարգացումների դիտարկում, Կենտրոնական բանկի կողմից իրացվելիության կառավարման նպատակով իրականացվող գործիքների մշտադիտարկում և համապատասխան ֆինանսական գործիքների կիրառում.
- պետական գանձապետական պարտատոմսերի առաջնային և երկրորդային շուկաներում առաջնային դիլերների վարքագծի մշտադիտարկում, ամփոփում և վարքագծի գնահատում, առաջնային դիլերի կարգավիճակ շնորհելու կամ այդ կարգավիճակից զրկելու վերաբերյալ առաջնային դիլերների ընտրության և գնահատման գործընթացի կատարում.
- պետական պարտքի, հարկաբյուջետային գործառնությունների և մակրոտնտեսական ու դրամավարկային ցուցանիշների փոխազդեցության վերլուծության կատարում, հարկաբյուջետային և դրամավարկային կարճաժամկետ քաղաքականությունների կոորդինացման նպատակով անցկացվող քննարկումների կազմակերպում, տվյալների փոխանակման և անհրաժեշտ վերլուծական աշխատանքների իրականացում.
- պետական պարտատոմսերի առաջնային շուկայի զարգացման նպատակով պարտատոմսերի տեղաբաշխման նոր եղանակների և ֆինանսական նոր գործիքների նախագծման աշխատանքների կատարում, պետական պարտքի գործառնությունների իրականացման ընթացակարգերը նկարագրող հայեցակարգերի և ուղեցույցերի մշակման աշխատանքների կատարում:
Կրթությունը
Բարձրագույն կրթություն ֆինանսների, տնտեսագիտության, կառավարման կամ հարակից բնագավառներում
Անգլերենի տիրապետում B2 և բարձր մակարդակի:
Անհրաժեշտ հմտություններ
- Հաղորդակցության հմտություններ
- Աշխատակազմի կառավարում
- Քաղաքականության վերլուծություն, մոնիթորինգ
- Որոշումների կայացում
- Ծրագրերի կառավարում
- Վերլուծական հմտություններ
- Փոփոխությունների կառավարում
- Կոնֆլիկտների կառավարում
- Ժամանակի կառավարում
- Ելույթների նախապատրաստում և կազմակերպում
Աշխատանքային ստաժը, աշխատանքի բնագավառում փորձը՝
կառավարման, տնտեսագիտության կամ ֆինանսավարկային բնագավառում չորս տարվա աշխատանքային ստաժ:
Հետաքրքրված անձինք կարող են hrm@minfin.am էլ.փոստին՝ ուղարկելով հայերեն ինքնակենսագրական տվյալները:
Նամակի թեմա դաշտում լրացնել Գործառնական բաժին
