ՀՀ ֆինանսների նախարարության ծրագրերի գնահատման, հանրային ներդրումների կառավարման և ներքին աուդիտի քաղաքականության վարչության պետ Գարիկ Պետրոսյանը, բյուջետային գործընթացի համակարգման վարչության պետ Ռուզաննա Գաբրիելյանը և նույն վարչության մասնագետ Ժանետա Վարդանյանը Մոսկվայում հանդիպել են ՌԴ ֆինանսների նախարարության գիտահետազոտական ֆինանսական ինստիտուտի ներկայացուցիչների, ինչպես նաև ՌԴ ֆինանսների նախարարության գործընկերների հետ։
Հանդիպումների ընթացքում քննարկվել են ծրագրային բյուջետավորման և բյուջետային ծրագրերի գնահատման ուղղություններով համագործակցության շրջանակում իրականացված աշխատանքների արդյունքները։ Մասնավորապես՝ ներկայացվել և քննարկվել են ՀՀ ֆինանսների նախարարության կողմից մշակված ծրագրերի գնահատման մեթոդաբանության փորձարկման արդյունքները, ինչպես նաև դրա հետագա զարգացումների հնարավոր ուղիները։
Փորձի փոխանակման շրջանակում ՀՀ ՖՆ ներկայացուցիչները հանդիպել են նաև ՌԴ ֆինանսների նախարարի տեղակալ Նիկոլայ Բեգչինի և նախարարության այլ ներկայացուցիչների հետ։ Հանդիպման ընթացքում անդրադարձ է կատարվել ծրագրային բյուջետավորմանը, ծրագրերի գնահատման գործիքակազմի կատարելագործմանը և այս ոլորտներում երկու երկրների միջև հետագա համագործակցության հնարավորություններին։
