ՀՀ ֆինանսների նախարարությունը Երևանի պետական համալսարանում մասնակցել է «ԲանՈՒԳործ. ԵՊՀ էքսպո-2025» խորագրով միջոցառմանը։
Այս նախաձեռնության շրջանակներում աշխատակիցները ներկայացրել են նախարարության գործունեության հիմնական ուղղությունները՝ հնարավորություն տալով ուսանողներին և շրջանավարտներին ավելի մանրամասն ծանոթանալու մասնագիտական զարգացման հեռանկարներին, ինչպես նաև աշխատանքի և պրակտիկայի հնարավորություններին։
Ցուցահանդեսի ընթացքում ուսանողները ստացել են իրենց հետաքրքրող հարցերի պատասխանները, ծանոթացել նախարարության տարբեր ստորաբաժանումների աշխատանքներին և դրանցում ներգրավվելու հնարավորություններին։
Նման միջոցառումները կարևոր հարթակ են ուսանողների և պետական կառույցների միջև կապի ամրապնդման և երիտասարդ մասնագետներին պետական կառավարման համակարգում ներգրավելու համար:
