25.01.2024
«Հերացի» ավագ դպրոցի աշակերտներն այցելել են ՀՀ ֆինանսների նախարարություն
«Հերացի» ավագ դպրոցի աշակերտներն այսօր՝ հունվարի 25-ին, ճանաչողական այց են ունեցել ՀՀ ֆինանսների նախարարություն, որտեղ ծանոթացել են Նախարարության գործունեությանը, համակարգման ոլորտներին եւ ծրագրային ուղղություններին:
Նախարարության աշխատակիցներն աշակերտներին են ներկայացրել իրենց ստորաբաժանումների աշխատանքը, մասնավորապես՝ պետական պարտքի, ֆիսկալ ռիսկերի կառավարման ոլորտներում:
Հանդիպման ավարտին Նախարարության ստորաբաժանումների ղեկավարները պատասխանել են դպրոցի սաների հարցերին:
Սա դպրոցի նմանատիպ երկրորդ այցն է, ինչը վկայում է աշակերտների շրջանում ՀՀ ֆինանսների նախարարության գործունեության շուրջ ձեւավորած հետաքրքրության մասին:
