ԹԵԺ ԳԻԾ
«Standard and Poor’s» վարկանիշային գործակալությունը անփոփոխ է թողել Հայաստանի Հանրապետության սուվերեն վարկանիշները՝ հեռանկարը փոխելով «դրական»-ից դեպի «կայուն»
08.04.2022
«Standard and Poor’s» վարկանիշային գործակալությունը անփոփոխ է թողել Հայաստանի Հանրապետության սուվերեն վարկանիշները՝ հեռանկարը փոխելով «դրական»-ից դեպի «կայուն»

2022 թվականի ապրիլի 8-ին «Standard and Poor’s» վարկանիշային գործակալությունը վերահաստատել է Հայաստանի Հանրապետության՝ արտարժույթով և ազգային արժույթով երկարաժամկետ/կարճաժամկետ սուվերեն վարկավորման «B+»/«B» վարկանիշները՝ միևնույն ժամանակ հեռանկարը փոխելով «դրական»-ից դեպի «կայուն»:

Տարածաշրջանային և համաշխարհային ներկա անորոշությունների պայմաններում գործակալության կողմից Հայաստանին շնորհված վարկանիշներն անփոփոխ պահելը փաստում է ՀՀ կառավարության կողմից վարվող քաղաքականության ու հատկապես՝ մակրոտնտեսական քաղաքականության հուսալիության մասին:Մասնավորապես, գործակալության գնահատումներով վարկանիշի նույն մակարդակում պահպանման հիմքում ընկած են միջնաժամկետում առողջ և կայուն տնտեսական աճի հեռանկարները, որին նպաստում են ՀՀ կառավարության կառուցվածքային բարեփոխումները, ինչպես նաև՝ համեմատաբար ցածր կառավարության պարտքի բեռը, որը խարսխված է հարկաբյուջետային կայուն շրջանակով և ՀՀ կառավարության՝ պարտքի բեռի նվազեցման հանձնառությամբ:

«Կայուն» հեռանկարի անցման հիմքում ընկած են ռուս-ուկրաինական ռազմական գործողությունների արդյունքում Հայաստանի համար ի հայտ եկած տնտեսական մարտահրավերները, որոնք կարող են ռիսկեր ստեղծել մոտ ապագայում տնտեսության արդիականացման համար: Գործակալությունն առանձնացնում է նաև Ռուսաստանում պատժամիջոցների հետևանքով սպասվող կտրուկ տնտեսական անկումը, ինչն իր հետևանքները կունենա Հայաստանի տնտեսության վրա՝ հաշվի առնելով, որ Ռուսաստանը Հայաստանի խոշոր առևտրատնտեսական գործընկերն է:

Թեև գործակալությունն իջեցրել է ընթացիկ տարվա ՀՀ տնտեսական աճի կանխատեսումը և փոփոխել է հեռանկարը՝ դրականից կայուն, այդուհանդերձ նշվում է, որ առաջիկա տարիներին կարող է բարձրացվել վարկանիշը, եթե տնտեսության վերականգնման տեմպերն ավելի արագ լինեն և ուղեկցվեն կառուցվածքային բարեփոխումներով: Անդրադարձ է կատարվել նաև դրական ռիսկերին և հնարավորություններին, մասնավորապես՝ ռուսական ընկերությունների և ռուս քաղաքացիների՝ դեպի Հայաստան ներհոսքին, որը նույնպես կարող է դրական ազդեցություն ունենալ տնտեսության համար:

Նորություններ  ➤

Նորության նկար

Ֆինանսների նախարարության բյուջետային գործընթացի կազմակերպման վարչության աշխատակիցները մեկ շաբաթյա աշխատանքային այց են կատարել Ռուսաստանի Դաշնություն

Աշխատանքային այցի ընթացքում ռուս գործընկերների հետ քննարկվել են կատարված համատեղ աշխատանքների գծով առկա արդյունքների, դրանց առաջընթացի և հետագա քայլերի վերաբերյալ մի շարք կարևոր հարցեր։ Կազմակերպվել են նաև սեմինար-քննարկումներ ՌԴ ՖՆ բյուջետային թափանցիկության...

Նախաձեռնություններ  ➤

Նորության նկար

Հայտարարություն՝ ներքին աուդիտորների մասնագիտական վերապատրաստման դասընթացների վերբերյալ

ՀՀ ֆինանսների նախարարությունը տեղեկացնում է, որ 2022 թվականի հունիսի 13-ից սկվելու են ՀՀ հանրային հատվածի որակավորում ունեցող ներքին աուդիտորների շարունակական մասնագիտական վերապատրաստման դասընթացները:

Հայտարարություններ  ➤

Նորության նկար

Հայտարարություն՝ լիցենզավորող ՀՀ կառավարության լիազորած պետական կառավարման մարմին ճանաչելու մասին

Սույնով տեղեկացնում ենք, ՀՀ կառավարության 11.08.2022թ. «Հայաստանի Հանրապետության կառավարության 2005 թվականի դեկտեմբերի 22-ի N 2302-Ն որոշման մեջ փոփոխություններ կատարելու մասին» 1255-Ա որոշմամբ Հայաստանի Հանրապետության կառավարության 2005 թվականի դեկտեմբերի 22-ի...