ՀՀ ֆինանսների նախարարության և Արժույթի միջազգային հիմնադրամի (ԱՄՀ) միջև ձեռքբերված պայմանավորվածության համաձայն՝ Կառավարության ֆինանսների կառավարման տեղեկատվական համակարգի (ԿՖԿՏՀ) նախագծման և մշակման գործընթացում ԱՄՀ տեխնիկական աջակցություն շրջանակներում օգոստոսի 1-ից 11-ը տեղի է ունեցել ԱՄՀ Հարկաբյուջետային հարցերի դեպարտամենտի փորձագետ Սորեն Լանգոֆֆի այցը Ֆինանսնեի Նախարարություն:
Վերջինս հանդիպել է Ֆինանսների նախարությունում թվայնացման ոլորտը՝ մասնավորապես Կառավարության ֆինանսների կառավարման տեղեկատվական համակարգի (ԿՖԿՏՀ) ներդրման աշխատանքները համակարգող, ՀՀ ֆինանսների նախարարի խորհրդական Արմեն Գևորգյանի հետ:
Միջազգային փորձագետին մանրամասն ներկայացվել են ԿՖԿՏՀ-ի ներդրման ուղղությամբ կատարված աշխատանքները, տրամադրվել են համապատասխան նախագծային փաստաթղթերը և հաշվետվությունները:
Մանրամասն քննարկվել են ծրագրային ապահովման ձեռքբերման նպատակով տեխնիկական առաջադրանքի նախագծի բովանդակությունն ու կառուցվածքը, ծրագրային ապահովման ներդրման գործընթացն ուղեկցող հնարավոր խնդիրներն ու ռիսկերը:
ԱՄՀ-ի փորձագետը հանդիպումներ է ունեցել ԿՖԿՏՀ ծրագրի հիմնական շահակից կողմերի` ԿՖԿՏՀ մշակման գործընթացում ներգրավված ՀՀ ֆինանսների նախարարության համապատասխան ստորաբաժանումների ղեկավարների, ինչպես նաև պետական այլ մարմինների (ՀՀ ՊԵԿ, Քաղաքացիական ծառայության գրասենյակ) ներկայացուցիչների հետ:
Առաքելության վերջում ԱՄՀ փորձագետը հանդիպում է ունեցել ՀՀ Ֆինանսների նախարար Վահե Հովհաննիսյանի հետ՝ նպատակ ունենալով ամփոփել իր տպավորություններն իրականացվող գործընթացների վերաբերյալ և ներկայացնել համապատասխան խորհրդատվությունը:
