Հուլիսի 9-ին ՀՀ ֆինանսների նախարար Ատոմ Ջանջուղազյանն ընդունել է Համաշխարհային բանկի ավագ խորհրդական Դեյվիդ Յուրավլիվկերին:
Հանդիպման ընթացքում քննարկվել են Համաշխարհային բանկի հետ համատեղ իրականացվող ծրագրեր, ինչպես նաև հարկային քաղաքականության և վարչարարության բարելավմանն ուղղված մի շարք հարցեր:
Նախարար Ատոմ Ջանջուղազյանը անդրադարձել է hարկային օրենսդրության փոփոխություններին և նշել, որ դրանք միտված են տնտեսական զարգացումներին արդյունավետ արձագանքելուն, ինչպես նաև նախարարության կողմից հանրային միջոցների վերաբաշխման առաքելությունը ավելի լավ կատարելուն:
Ընդգծելով հանդիպման կարևորությունը՝ Դեյվիդ Յուրավլիվկերը հույս է հայտնել, որ գործակցության նման ձևաչափը կնպաստի համագործակցային հարաբերությունների ամրապնդմանը:
Կողմերն անդրադարձ են կատարել նաև ՀՀ-ում ենթակառուցվածքների զարգացմանը, գործարար միջավայրի բարելավմանը, պետական կառավարման արդյունավետության բարձրացմանը և մի շարք այլ հարցերի:
