ՀՀ ֆինանսների նախարար Ատոմ Ջանջուղազյանն այսօր ընդունել է Հայաստանի Հանրապետությունում Եվրոպական միության պատվիրակության ղեկավար, դեսպան Պյոտր Սվիտալսկուն:
Հանդիպման ընթացքում քննարկվել են երկրի մակրոտնտեսական կայունությանը, պարտքը կայունացնող հարկաբյուջետային քաղաքականությանը, ՀՀ կառավարության նախաձեռնած բարեփոխումների օրակարգին առնչվող հարցեր:
Ատոմ Ջանջուղազյանը կարևորել է ԵՄ հետ հարաբերությունների հետագա զարգացումը, և նշել, որ ԵՄ-ի հետ համագործակցությունը կնպաստի Հայաստանում բարեփոխումների իրականացմանը:
Պյոտր Սվիտալսկին իր հերթին նշել է, որ Հայաստան-Եվրամիություն գործակցությունը հիմք է ստեղծում արդյունավետ և հեռանկարային ծրագրերի իրականացման համար:
Կողմերը քննարկել են նաև ԵՄ աջակցությամբ Հայաստանում իրագործվող ծրագրերը, դրանց արդյունավետության բարձրացմանն ուղղված քայլերը և այլն:
