Ֆինանսների նախարար Վահե Հովհաննիսյանն այսօր մասնակցել է Ժողովրդավարության հայկական ֆորումին, որն անցկացվում է «Freedom House» միջազգային իրավապաշտպան կազմակերպության և «Իրազեկ քաղաքացիների միավորում» հասարակական կազմակերպության համատեղ ջանքերով:
Նախարար Հովհաննիսյանը հանդես է եկել որպես բանախոս «Հակակոռուպցիոն ջանքերի առաջխաղացում. թափանցիկության, հաշվետվողականության և լավ կառավարման խթանում» խորագրով պանելային քննարկմանը:
Ֆորումին ներկա են եղել Հանրապետության նախագահ Վահագն Խաչատուրյանը, ՀՀ Վարչապետ Նիկոլ Փաշինյանը, փոխվարչապետ Տիգրան Խաչատրյանը, ԱԺ փոխնախագահ Ռուբեն Ռուբինյանը, Կառավարության անդամներ, պատգամավորներ, Հայաստանում հավատարմագրված դիվանագիտական կորպուսի, քաղաքացիական հասարակության, փորձագիտական շրջանակների ներկայացուցիչներ: