ՀՀ պատվիրակությունը, որի կազմում էին ՀՀ ֆինանսների նախարարության, Տարածքային կառավարման և ենթակառուցվածքների նախարարության, ՀՀ Ազգային ժողովի, ՀՀ փոխվարչապետ Մ. Գրիգորյանի գրասենյակի և ՀՀ Կրթության, գիտության, մշակույթի և սպորտի նախարարության ներկայացուցիչները մայիսի 29-ից հունիսի 1-ը «Աջակցություն Հայաստանում ապակենտրոնացմանն ու տեղական ինքնակառավարման բարեփոխումներին» ծրագրի «DeaLoG» նախագծի շրջանակներում գտնվել է Ստոկհոլմում՝ ճանաչողական աշխատանքային այցի նպատակով:
Պաշտոնական այցի շրջանակներում փոխըմբռնման երկու հուշագիր է ստորագրվել, ՀՀ ֆինանսների նախարարության, ՀՀ Տարածքային կառավարման և ենթակառուցվածքների նախարարության, Շվեդիայի տեղական իշխանությունների և տարածաշրջանների ասոցիացիայի (SALAR) և «ՍԱԼԱՐ Ինտերնեշնլ» ընկերության միջև:
ՀՀ ֆինանսների նախարարության կողմից հուշագիրը ստորագրել է ֆինանսների նախարարի տեղակալ Արման Պողոսյանը:
«DeaLoG»-ը Շվեդիայի տեղական իշխանությունների և տարածաշրջանների շվեդական ասոցիացիայի (ՍԱԼԱՐ) ծրագիրն է, որն իրականացվում էՍԱԼԱՐ Ինթերնեշնլի կողմից և նպատակ ունի աջակցել Հայաստանի կառավարությանն ապակենտրոնացման բարեփոխումների իրականացման և տեղական ինքնակառավարման մարմինների հզորացման գործում:
