ՀՀ ֆինանսների նախարարության պատվիրակությունը հունիսի 15-ից 16-ը Բեռլին քաղաքում (Գերմանիայի Դաշնային Հանրապետություն) մասնակցում է Համաշխարհային Բանկի կողմից կազմակերպած պարտքի կառավարման խնդիրներին նվիրված 13-րդ համաժողովին։
Համաժողովին ներկա են ՀԲ խմբի երկրների 120 մասնակիցներ, ովքեր քննարկումներ են իրականացնում, այնպիսի հարցերի շուրջ, ինչպիսիք են՝ ներկայիս բարձր տոկոսադրույքների պայմաններում պարտքի կառավարման հիմնախնդիրները, պարտքի շուկայում վստահության վերականգնման և ամրապնդման, պարտքի թափանցիկության բարելավման, պարտքի պորտֆելի ռիսկերի կառավարման գործիքների, ինչպես նաև պարտքի կառավարմանը վերաբերող այլ թեմաների շուրջ։
Համաժողովի ընթացքում ՀՀ ֆինանսների նախարարի տեղակալ Էդուարդ Հակոբյանը հանդես է եկել ելույթով և ներկայացրել է պարտքի թափանցիկության, պարտքի կայունության գնահատման և հարկաբյուջետային կանոնների Հայաստանի փորձը, ինչպես նաև մտքեր է փոխանակել պարտքի կառավարման արդի մարտահրավերների շուրջ:
