22.05.2018
Ֆինանսների նախարարությունում անց են կացվել առանձնացված շտաբային մարզումներ
Մայիսի 22-ին Հայաստանի Հանրապետության ֆինանսների նախարարությունում նախարար Ատոմ Ջանջուղազյանի գլխավորությամբ անց են կացվել առանձնացված շտաբային մարզումներ: Մարզումներն ունեցել են երկու նպատակ. կատարելագործել կառավարման կետի աշխատանքային խմբերի ներդաշնակ աշխատանքը, մարզումներին ընդգրկված աշխատանքային խմբերին հաղորդել փորձ՝ տեսական գիտելիքների և շտաբային մարզումների կազմակերպման և անցկացման ուղղությամբ:
Շտաբային մարզումներին իր մասնակցությունն է ունեցել Հայաստանի Հանրապետության զինված ուժերի գլխավոր շտաբի ռազմավարական պլանավորման վարչությունից փոխգնդապետ Գարիկ Մուշեղյանը, ով իր խոսքում նշել է, որ նախորդ շտաբային մարզումներից հետո, այս 6 ամսվա ընթացքում ՀՀ ֆինանսների նախարարությունը հերթական անգամ գլխավորում է լավագույնների ցանկը:
