Ֆինանսների նախարարության գլխավոր քարտուղար Կարեն Սարգսյանը, եկամուտների քաղաքականության և հարկային վարչարարության մեթոդաբանության բաժնի պետ Արթուր Ալեքսանյանը, ԵՏՄ մաքսային քաղաքականության և օրենսդրական կարգավորման բաժնի պետ Վլադիմիր Ասեյանն այսօր գլխավորել են ՀՊՏՀ ֆինանսատնտեսագիտական քոլեջի ուսանողների հետ հանդիպումը:
Գլխավոր քարտուղար Կարեն Սարգսյանն ապագա տնտեսագետների հետ խոսել է մասնագիտական կողմնորոշման մասին, հետաքրքրվել ուսանողների նախասիրություններով և նախընտրելի հեռանկարային ոլորտներով՝ կարևորելով մասնագիտական հմտությունների և կարողությունների զարգացումը պետական կառավարման համակարգում փոփոխություններ իրականացնելու և կառավարելու համար:
Հանդիպման ընթացքում նախարարության ներկայացուցիչները ներկայացրել են եկամուտների քաղաքականության և հարկային վարչարարության ոլորտին առնչվող գործընթացները, կիսվել Նախարարությունում աշխատանքի անցնելու իրենց փորձով և պատասխանել ուսանողներին հետաքրքրող հարցերին:
