05.05.2023
Ֆինանսների նախարարությունը մասնակցել է Աշխատանքի տոնավաճառին
ՀՀ ֆինանսների նախարարությունը մայիսի 5-ին մասնակցել է Հայաստանի պետական տնտեսագիտական համալսարանի նախաձեռնությամբ կազմակերպված «Աշխատանքի տոնավաճառին»:
Տոնավաճառի մասնակիցներին են ներկայացվել Նախարարության գործունեության ոլորտները, դրանց զարգացման գործում ուսանողների ներգրավվածության կարևորությունն ու ընձեռվող հնարավորությունները:
Նախարարության գլխավոր քարտուղար Կարեն Սարգսյանի խոսքով՝ նման միջոցառումները հնարավորություն են տալիս ոչ միայն այդ պահի դրությամբ առկա թափուր հաստիքին համապատասխան թեկնածու ներգրավել, այլև կադրային պահուստ ձևավորել, աշխատել ուսանողի հետ, մասնագիտական գիտելիք և կարողություն փոխանցել ու զարգացնել, որպեսզի ավարտելուց հետո սահուն կերպով անցնեն աշխատանքի։
