Ապրիլի 1-ից 5-ը ՀՀ և ՌԴ ֆինանսների նախարարությունների միջև երկկողմ համագործակցության շրջանակում ՀՀ ֆինանսների նախարարության եկամուտների քաղաքականության և վարչարարության մեթոդաբանության վարչության աշխատակիցները մասնակցել են «Ռուսաստանյան հարկային շաբաթ» (Российская Налоговая Неделя) միջազգային համաժողովին:
Համաժողովի ընթացքում կազմակերպվել են միջազգային հարկային հարաբերությունների արդի խնդիրների վերաբերյալ պանելային քննարկումներ, բաց դասախոսություններ, վարպետաց դասեր և կլոր-սեղան քննարկումներ:
Ապրիլի 2-ին ՀՀ ֆինանսների նախարարության եկամուտների քաղաքականության և վարչարարության մեթոդաբանության վարչության պետ Օրի Ալավերդյանը ելույթ է ունեցել «Միջազգային հարկման ոլորտում պետական քաղաքականություն» թեմայով պանելային քննարկմանը՝ ներկայացնելով Հայաստանի Հանրապետությունում միջազգային հարկային հարաբերությունների ոլորտում իրականացվող քաղաքականության հիմնական ուղղությունները:
