01.08.2023
Հակակոռուպցիոն դպրոցի ունկնդիրներն այցելել են Ֆինանսների նախարարություն
Երիտասարդ առաջնորդների հակակոռուպցիոն դպրոցի 9-րդ հոսքի ուսումնական ծրագրի շրջանակում հուլիսի 31-ին տեղի է ունեցել այցելություն Ֆինանսների Նախարարություն: Դպրոցի սաներին ողջունել է Նախարարության գլխավոր քարտուղար Կարեն Սարգսյանը:
Նախարարության բյուջետային գործընթացի համակարգման վարչության պետ Ռուզաննա Գաբրիելյանը, գնումների քաղաքականության վարչության պետ Սերգեյ Շահնազարյանը և իրավաբանական վարչության պետ Հայկ Հարությունյանը հանդես են եկել ՀՀ ֆինանսների նախարարության գործառույթների և բյուջետային ոլորտի հնարավոր կոռուպցիոն ռիսկերի և դրանց զսպման մեխանիզմների վերաբերյալ դասախոսություններով:
Դասախոսությունների ավարտից հետո ՀՀ ՖՆ ստորաբաժանումների ղեկավարները պատասխանել են դպրոցի սաների հարցերին:
