Հայաստանի Հանրապետության կառավարության՝ 2020թ. հուլիսի 16-ի թիվ 1202-Լ որոշմամբ հաստատված Կապիտալի շուկայի զարգացման ծրագրի շրջանակներում վերջերս ՀՀ ֆինանսների նախարարության և «Standard and Poor's» վարկանիշային գործակալության միջև ստորագրվել է համաձայնագիր, որով Հայաստանի Հանրապետությանն այսուհետ սուվերեն վարկանիշ կշնորհվի նաև երրորդ՝ «Standard and Poor's» վարկանիշային գործակալության կողմից:
Նկատենք, որ մինչ այժմ Հայաստանին վարկանիշ էր շնորհվել «Fitch» և «Moody's» վարկանիշային գործակալությունների կողմից:
Միաժամանակ, «Standard and Poor's»-ի հետ համագործակցությունը հնարավորություն կտա համեմատաբար փոքր տեղական կազմակերպություններին օգտվելու գործակալության վարկանիշավորման ծառայություններից, նաև հաշվի առնելով, որ Հայաստանի կողմից սուվերեն վարկանիշի ստացումը կնվազեցնի մասնավոր հատվածի կազմակերպությունների համար վարկանիշի ստացման հետ կապված ծախսերը:
