«Հանրային հատվածի կազմակերպությունների հաշվապահական հաշվառման մասին» ՀՀ օրենքի 8-րդ հոդվածի 2-րդ մասի համաձայն՝ հաշվապահական հաշվառման աշխատանքների ծավալից կախված` հանրային հատվածի կազմակերպության ղեկավարն իրավունք ունի հաշվապահական հաշվառումը վարելու`
1) կառուցվածքային ստորաբաժանում համարվող հաշվապահական ծառայության (այսուհետ` հաշվապահական ծառայություն) միջոցով.
2) կազմակերպության աշխատող համարվող հաշվապահի միջոցով.
3) նույն օրենքի 4-րդ հոդվածի 3-րդ մասի 3-րդ կետով նախատեսված ցանկում ընդգրկված հաշվապահական ծառայություններ մատուցող կազմակերպության կամ անհատ ձեռնարկատիրոջ միջոցով:
ՀՀ հանրային հատվածի կազմակերպություններին հաշվապահական ծառայություններ մատուցող անձանց (անհատ ձեռնարկատեր կամ կազմակերպություն) ներկայացվող չափանիշները հաստատվել են ՀՀ ֆինանսների նախարարի 2015 թվականի դեկտեմբերի 10-ի թիվ 844-Ն հրամանով։
Ստորև ներկայացված է ՀՀ հանրային հատվածի կազմակերպություններին հաշվապահական ծառայություններ մատուցելու իրավունք ունեցող անձանց ցանկը։
