15.02.2019
Հայաստանն անդամակցել է BEPS ներառական հարթակին
Տնտեսական համագործակցության և զարգացման կազմակերպությունը (ՏՀԶԿ) հայտարարել է Հայաստանի Հանրապետության՝ հարկման բազայի քայքայումը և շահույթի տեղափոխումը կանխելու ներառական հարթակին (Inclusive Framework on BEPS) անդամակցության մասին:
BEPS ծրագրի ներառական հարթակի հիմնական նպատակը համարվում է միջազգային հարկային հարաբերություններում հարկումից խուսափելու հնարավորությունները կանխելուն ուղղված համապատասխան միջազգային ստանդարտների մշակմանը երկրների ներգրավվածության ապահովումը՝ հավասար ձայնի իրավունքով, ինչպես նաև տարբեր երկրներում BEPS ծրագրի իրականացման արդյունքների մոնիտորինգը: Այլ կերպ ասած՝ BEPS ծրագրի ներառական հարթակին անդամակցության արդյունքում՝
- հնարավոր կլինի մյուս անդամ երկրների և միջազգային կազմակերպությունների աջակցությամբ տեղայնացնել միջազգային հարկային հարաբերություններին վերաբերող կարգավորումները՝ կանխելու համար Հայաստանի Հանրապետությունում ձևավորվող հարկման բազաների արտահոսքը այլ երկրներ,
- անմիջական մասնակցություն ունենալ միջազգային հարկային հարաբերությունների կարգավորումների մշակման գործընթացին:
