ՀՀ ֆինանսների նախարարությունը տեղեկացնում է, որ ՀՀ Ազգային Ժողովի պատգամավոր Արտակ Մանուկյանից ստացվել է գնումների հետ կապված կարգավորումներում փոփոխություններ կատարելու առաջարկություն՝ շինարարական աշխատանքների կատարման նկատմամբ տեխնիկական հսկողության ծառայությունների մատուցման գործընթացի նկատմամբ հանրային հսկողության իրականացումն ապահովելու նպատակով տեղադրել շարժական տեսախցիկներ շինարարական օբյեկտների մոտ։
Հաշվի առնելով նշվածը, ՀՀ ֆինանսների նախարարությունը նախաձեռնել է քննարկումներ պատգամավորի առաջարկության, դրա իրագործման մեխանիզմների, ներառյալ ռիկսերի և պատասխանատվության շրջանակի վերաբերյալ:
Գործընթացով հետաքրքված անձիք կարող են իրենց առաջարկությունները մինչև 2020թ. սեպտեմբերի 7-ը ներկայացնել ՀՀ ֆինանսների նախարարություն` sergey.shahnazaryan@minfin.am էլեկտրոնային փստի հասցեին ուղարկելու միջոցով:
Առաջարկները ստանալուց հետո նախատեսվում է կազմակերպել բազմակողմանի քննարկում, պատգամավորի առաջարկին համարժեք արձագանքելու և իրավական կարգավորումներ նախաձեռնելու համար: Նախատեսվող քննարկումներին մասնակցելու նպատակով խնդրում ենք նաև ներկայացնել պատասխանատու անձի տվյալները (անուն ազգանուն, պաշտոն, էլ. փոստ և հեռախոսահամար):
