01.06.2022
Հայտարարություն՝ գնման ընթացակարգերին առնչվող բողոքների քննման կարգի փոփոխության վերաբերյալ
Հարգելի՛ քաղաքացիներ,
Տեղեկացնում ենք, որ 2022թ. հունիսի 1-ից սկսած գնման ընթացակարգերի վերաբերյալ բողոքների քննումն իրականացվելու է միայն դատական կարգով՝ Երեւան քաղաքի առաջին ատյանի ընդհանուր իրավասության դատարանում:
Վերոհիշյալ կարգավորումն ընդունվել է «Գնումների մասին» օրենքում եւ Քաղաքացիական դատավարության մասին օրենսգրքում 2022 թվականի հունվարի 21-ին Ազգային ժողովի կողմից ընդունված փոփոխությունների արդյունքում:
Ընդ որում, բողոքների ներկայացման եւ քննման ընթացակարգերը սահմանված են նշված օրենքներով, իսկ պետական տուրքի չափերը՝ նույն օրն ընդունված «Պետական տուրքի մասին» օրենքում կատարված փոփոխություններով:
Հիշյալ օրենքները հասանելի են www.arlis.am հասցեով գործող իրավական տեղեկատվական համակարգում:
