Սիրելի հայրենակիցներ
Շնորհավորում եմ Հայաստանի Հանրապետության Անկախության տոնի առթիվ:
1991 թվականի սեպտեմբերի 21-ին հայ ժողովրդի անկախության կամարտահայտման արդյունքում այսօր ապրում ու արարում ենք ազատ և անկախ Հայաստանում: Անկախությունն ի վերուստ տրված չէ որևէ ազգի ու ժողովրդի, այլ երկարատև և ծանր պայքարի արդյունք է, որը պետք է գնահատել ու վերարժևորել: Աշխարհում կան բազմաթիվ ժողովուրդներ, բայց դրանցից քչերին է հաջողվել ստեղծել անկախ պետություն: Մեր երկիրը անցած 29 տարիների ընթացքում հաղթահարել է բազում դժվարություններ՝ պատերազմ, սոցիալ-տնտեսական ճգնաժամ: Սակայն հայ ժողովրդի կամքը ամուր է, և շատ ծրագրեր ու նպատակներ դեռ կան, որ պետք է իրագործվեն ազատ, անկախ Հայաստանի Հանրապետությունում: Անկախությունը բարձրագույն արժեք է բոլորիս համար: Ուստի յուրաքանչյուրս պետք է հպարտությամբ և մեծ արժանապատվությամբ կրենք անկախ Հայաստանի քաղաքացի լինելու պատիվը, մեր քայլերն ուղղենք Հայրենիքի ծաղկման, բարօրության, ֆինանսական ու տնտեսական կայունության համար:
