Էլ. փոստ
ԹԵԺ ԳԻԾ
Էլ. փոստ
ՀՀ ֆինանսների նախարարի տեղակալ Էդուարդ Հակոբյանը  մասնակցել է ԿԶԵՀ ռազմավարական նիստին
09.07.2024
ՀՀ ֆինանսների նախարարի տեղակալ Էդուարդ Հակոբյանը մասնակցել է ԿԶԵՀ ռազմավարական նիստին

Հուլիսի 5-ին Մոսկվայում ՀՀ ֆինանսների նախարարի տեղակալ Էդուարդ Հակոբյանի  գլխավորած պատվիրակությունը մասնակցել է Կայունացման և զարգացման եվրասիական հիմնադրամի (այսուհետ՝ ԿԶԵՀ, Հիմնադրամ) ռազմավարական նիստին:

ԿԶԵՀ ռազմավարական նիստի առանցքային օրակարգային հարցերից է եղել գլոբալ մակրոտնտեսական իրավիճակի փոփոխության պայմաններում Հիմնադրամի և անդամ երկրների ռազմավարությունների վերանայումը՝ նոր իրողություններին համապատասխան: Անդրադարձ է կատարվել նաև առկա տնտեսական խնդիրների լուծման ու մարտահրավերներին դիմագրավելու ուղիներին:

Նիստի ընթացքում մասնակիցները քննարկել են Հիմնադրամի ռազմավարության միջանկյալ գնահատման արդյունքները, ներկայացվել են վերջինիս վերափոխման մոտեցումները:

Համաձայնություն է ձեռք բերվել ներկայիս գլոբալ փոփոխությունների համատեքստում 2025-2026թթ. ռազմավարական ժամանակահատվածի համար վերանայել ինչպես Հիմնադրամի, այնպես էլ երկրների ռազմավարությունները, ինչը հնարավորություն կտա լավագույնս աջակցելու մասնակից պետությունների տնտեսություններին՝ վերջիններիս առջև ծառացած ռազմավարական խնդիրների լուծման ճանապարհին: Նախարարի տեղակալ Էդուարդ Հակոբյանի կողմից ներկայացվել են հայկական կողմի առաջարկները թե՛ Հիմնադրամի և թե՛ Հայաստանի ռազմավարության վերանայման վերաբերյալ:

Նիստի շրջանակներում անդրադարձ է կատարվել նաև Հիմնադրամի՝ որպես առանձին միջազգային կազմակերպության տրանսֆորմացիայի գործընթացին՝ հաշվի առնելով, որ վերջինիս կանոնադրական փաստաթղթերն արդեն իսկ ստորագրվել են մասնակից պետությունների կողմից և ներկայումս գտնվում են ուժի մեջ մտնելու փուլում:

Նորություններ  ➤

Նորության նկար

ՀՀ ֆինանսների նախարար Վահե Հովհաննիսյանն ընդունել է ԱԶԲ գործադիր տնօրենի տեղակալին

Հուլիսի 17-ին ՀՀ ֆինանսների նախարար Վահե Հովհաննիսյանը հանդիպում է ունեցել Ասիական զարգացման բանկի (ԱԶԲ) գործադիր տնօրենի տեղակալ Լևելին Չարլզ Ռոբերթսի գլխավորած պատվիրակության...

Նախաձեռնություններ  ➤

Նորության նկար

ՖՆ կին աշխատակիցները մասնակցել են տոնական միամսյակի շրջանակներում կազմակերպված միջոցառմանը

Կանանց միամսյակի շրջանակներում ֆինանսների նախարարությունում կին աշխատակիցների համար կազմակերպվել են հանդիպում-միջոցառումներ, որոնք կրում էին ժամանցային-ճանաչողական բնույթ: