16.07.2024
ՀՀ ֆինանսների նախարարի տեղակալ Վահան Սիրունյանն ընդունել է Տաջիկստանի Հանրապետության պատվիրակությանը
Հուլիսի 15-ին և 16-ին ուսուցողական այցով ՀՀ ֆինանսների նախարարություն էր ժամանել Տաջիկստանի Հանրապետության պետական մարմինների աշխատակիցներից կազմված խումբը։ Այցի նպատակն էր ծանոթանալ Հայաստանում ծրագրային բյուջետավորման ներդրման փորձին, քննարկել այդ բնագավառում բարեփոխումներին առնչվող խնդիրները։
Այցի երկրորդ օրը ՀՀ ֆինանսների նախարարի տեղակալ Վահան Սիրունյանը հանդիպում է անցկացրել Տաջիկստանի ֆինանսների փոխնախարար Սարվար Քուրբոնյոնի գլխավորած պատվիրակության ներկայացուցիչների հետ: Քննարկումների ընթացքում ներկայացվել է Հայաստանի փորձը, բարեփոխումների ընթացքը, ինչպես նաև այն առավելություններն ու հնարավորությունները, որ ընձեռել է ծրագրային բյուջետավորման կիրառումը։
