ՀՀ ֆինանսների նախարարությունում փետրվարի 19-ին տեղի է ունեցել հանդիպում ԵՊՀ ներկայացուցիչների հետ:
Հանդիպման հիմնական նպատակն է եղել Նախարարության և ԵՊՀ-ի միջև կնքված հուշագրի շրջանակներում նախարարության կարիքներին համապատասխանող մասնագիտական կրթության ինտեգրումը բուհի կրթական ծրագրերին:
Հանդիպման ընթացքում նախարարության աշխատակիցները ԵՊՀ ներկայացուցիչներին են ներկայացրել այն հիմնական մասնագիտությունները և հմտությունների շրջանակը, որոնք անհրաժեշտ են Նախարարության կողմից իրականացվող գործառույթներն իրականացնելու համար:
Հանդիպման արդյունքում, կարևորելով բուհ-նախարարություն կապի ամրապնդումը և գիտելիքի մատուցման արդիականացումը, ձեռք է բերվել երկուստեք համաձայնություն հետագայում համատեղ իրականացվող ծրագրերի վերաբերյալ:
Հանդիպմանը ներկա են եղել ԵՊՀ պրոֆեսորադասախոսական կազմի և Նախարարության ներկայացուցիչներ:
