Ծրագրով նախատեսված աշխատանքների համառոտ նկարագիրը՝
Հայաստանի Հանրապետության ֆինանսների նախարարության եկամուտների քաղաքականության և վարչարարության մեթոդաբանության վարչության կանոնադրությամբ սահմանված՝ հարկային վարչարարության մեթոդաբանության մշակման աշխատանքների իրականացում:
Փորձագետը նախատեսվում է ներգրավել պայմանագիր կնքելու օրվանից մեկ տարի ժամկետով։
Փորձագետի պարտականությունները՝
- այլ մարմինների կողմից մշակված՝ հարկային վարչարարության մեթոդաբանությանը վերաբերող իրավական ակտերի նախագծերի ուսումնասիրություն և դիրքորոշման ներկայացում,
- հարկային վարչարարության վերաբերյալ անհրաժեշտ ուսումնասիրությունների և վերլուծությունների իրականացում,
- օրենսդրական փոփոխությունների վերաբերյալ համապատասխան գրությունների, տեղեկանքների պատրաստում և տրամադրում ֆինանսների նախարարության հիմնական և աջակցող մասնագիտական կառուցվածքային ստորաբաժանումներին,
- հարկային վարաչարարությանը վերաբերող փաստաթղթերի պատրաստում, մասնավորապես, իրավական ակտերի նախագծեր, եզրակացություններ, տեղեկանքներ, այլ փաստաթղթեր, ինչպես նաև դրանց վերաբերյալ մեթոդական պարզաբանումների և ուղեցույցների մշակում,
- հարկային վարչարարության մեթոդաբանության վերաբերող միջազգային փորձի ուսումնասիրություն և առաջարկությունների ներկայացում,
- հարկային վարչարարության մեթոդաբանությանը վերաբերող նորմատիվ իրավական ակտերի մշակում, դրանց վերաբերյալ այլ մարմինների այդ թվում՝ պետական, գործարար շրջանակների և նրանց շահերը պաշտպանող մասնագիտական կազմակերպությունների կողմից ներկայացված առաջարկությունների ուսումնասիրում և դիրքորոշումների ձևավորում,
- հարկային վարչարարության մեթոդաբանության խնդիրներին վերաբերող հարցերով գործարար շրջանակների և նրանց շահերը պաշտպանող մասնագի-տական կազմակերպությունների հետ իրականացվող հանդիպումներին և քննարկումներին մասնակցություն, առաջարկությունների ու դիրքորոշումների ներկայացում,
- տնտեսավարող սուբյեկտների և քաղաքացիների կողմից հարկային վարչարարության մեթոդաբանության հետ առնչվող հարցերի վերաբերյալ դիրքորոշումների ձևավորում և սահմանված կարգով դրանց ընթացքի ապահովում:
Փորձագետին ներկայացվող պահանջները՝
- բարձրագույն կրթություն առնվազն տնտեսագետի բակալավրի որակավորմամբ,
- տնտեսագիտության կամ ֆինանսավարկային բնագավառում առնվազն երեք տարվա աշխատանքային փորձ,
- իր լիազորությունների հետ կապված անհրաժեշտ իրավական ակտերի իմացություն (ՀՀ հարկային օրենսգիրք, «Պետական տուրքի մասին» ՀՀ օրենք, «Եվրասիական տնտեսական միության մասին» պայմանագիր),
- թիմային աշխատանքի ունակություն,
- տեղեկատվության հավաքագրման, վերլուծության և կառավարման ունակություն,
- տնտեսական վերլուծությունների և հետազոտությունների իրականացման ունակություն,
- հաշվետվությունների ու շնորհանդեսների կազմման և ներկայացման ունակություն,
- «Mulberry» էլեկտրոնային փաստաթղթաշրջանառության ծրագրի տիրապետում,
- համակարգչային ծրագրերի իմացություն:
Փաստաթղթերն ընդունվում են 2025 թվականի փետրվարի 10-ից մինչև փետրվարի 13-ը ներառյալ՝ ժամը 10։00-ից 12։30-ը և 14։30-ից 16։30-ը։
Աշխատանքի վայրը՝ Հայաստանի Հանրապետության ֆինանսների նախարարություն, էլ. փոստ secretariat@minfin.am:
Պաշտոնի նշանակելու իրավասություն ունեցող պաշտոնատար անձի կողմից ընտրություն կատարելու եղանակներն են՝
- Դիմում ներկայացրած քաղաքացիների փաստաթղթերի ուսումնասիրությունը.
- Հարցազրույցը։
Դիմող Հայաստանի Հանրապետության քաղաքացիները բնօրինակների հետ պետք է ներկայացնեն հետևյալ փաստաթղթերը`
- Դիմում գլխավոր քարտուղարի անունով (ձևը լրացվում է տեղում).
- Հայտարարություն (ձևը լրացվում է տեղում) Հայաստանի Հանրապետության կառավարության 2018 թվականի օգոստոսի 2-ի«Առանձին խնդիրների իրականացման համար պետական մարմինների կողմից փորձագետի ներգրավման կարգը և դեպքերը սահմանելու մասին» N 878-Ն որոշմամբ հաստատված կարգի 13-րդ կետով նախատեսված սահմանափակումների բացակայության մասին.
- Տվյալ պաշտոնը զբաղեցնելու համար մասնագիտական գիտելիքների և աշխատանքային ունակություննների տիրապետման տեսանկյունից ներկայացվող պահանջների բավարարումը հավաստող փաստաթղթերի` դիպլոմի(ների), վկայականի(ների)պատճենները.
- Արական սեռի անձինք` նաև զինգրքույկի կամ դրան փոխարինող ժամանակավոր զորակոչային տեղամասին կցագրման վկայականի պատճենը կամ համապատասխան տեղեկանք.
- Աշխատանքային գրքույկի (գրքույկի բացակայության դեպքում աշխատանքային գործունեության վերաբերյալ տեղեկանք(ներ) կամ այլ փաստաթուղթ(եր) համապատասխան մարմնից(ներից)՝ ըստ պաշտոնների) պատճենը.
- Անձնագրի և հանրային ծառայության համարանիշը հավաստող (նույնականացման քարտի) փաստաթղթերի պատճենները.
- Մեկ գունավոր լուսանկար` 3x4 սմ չափսի:
Դիմումները ներկայացնել անձամբ՝ հետևյալ հասցեով 0010, ք. Երևան, Մելիք Ադամյան 1, 104 սենյակ հեռ.` 011800104:
