ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ

Աշխատանքի ենք հրավիրում փորձառու մասնագետների ՀՀ ֆինանսների նախարարության Հանրային ներդրումների կառավարման թիմին միանալու համար

ՀՀ ֆինանսների նախարարությունը փնտրում է մոտիվացված, առաջադեմ և փորձառու մասնագետների՝ Հանրային ներդրումների կառավարման բաժնին միանալու համար։

Եթե դեզ համար հոգեհարազատ են հանրային քաղաքականության, պետական ներդրումային նախագծերի, ենթակառուցվածքների զարգացման և տնտեսական աճի վերաբերյալ հիմնահարցերը և ցանկանում եք ձեր նշանակալի դերկատարությունն ունենալ ՀՀ տնտեսության և ենթակառուցվածքների զարգացման գործում, ապա հրավիրում ենք ձեզ դիմել տվյալ մրցույթին:

Աշխատանքի նկարագրությունը

Հանրային ներդրումների կառավարման (ՀՆԿ) բաժինը կարևոր դերակատարում ունի կառավարության կողմից ֆինանսավորվող հանրային ներդրումային նախագծերի ընտրության, արդյունավետ իրականացման և իրական զարգացման արդյունքների հասնելու գործում: ՀՆԿ բաժինը միտված է ապահովելու հանրային ներդրումային ծրագրերի վերհանման, դրանց գնահատման և առաջնահերթությունների սահմանման գործընթացի սահուն և արդյունավետ ընթացքը՝ նպատակ ունենալով բարձրացնել Հանրային ռեսուրսներով ֆինանսավորվող կապիտալ ծախսերի արդյունավետության և իրագործելիության մակարդակը:

Հանրային ներդրումների կառավարման բաժնի հիմնական գործառույթները

• Վերլուծել և գնահատել պետական ​​մարմինների կողմից ներկայացված ներդրումային նախագծերի առաջարկները։
• Աջակցել պետական ​​ներդրումային նախագծերի ինտեգրմանը բյուջետային գործընթացին։
• Մասնակցել նախագծերի ծախս-օգուտ վերլուծություններին (CBA), ռիսկերի գնահատումնեին և իրագործելիության ուսումնասիրություններին։
• Վերլուծել հանրային ներդրումների հարկաբյուջետային և սոցիալ-տնտեսական ազդեցությունները:
• Մշտադիտարկել հանրային ներդրումային նախագծերի իրականացումը և կատարողականը։
• Նպաստել կարգերի, մեթոդաբանությունների, ուղեցույցների, օրինակելի ձևերի և այլ փաստաթղթերի մշակմանը և կատարելագործմանը։
• Աջակցել պետական ​​​​մարմինների կարողությունների զարգացման նախաձեռնություններին։
• Համագործակցել դոնորների և միջազգային գործընկերների հետ ներդրումային նախագծերի շուրջ։

Պահանջվող որակավորումներ

• Բարձրագույն կրթություն տնտեսագիտության, հանրային ֆինանսների, բիզնեսի կառավարման, ճարտարագիտության կամ հարակից ոլորտներում։
• Նվազագույնը 1-3 տարվա համապատասխան աշխատանքային փորձ (տնտեսական վերլուծություն, ենթակառուցվածքային նախագծերի գնահատում, ֆինանսական վերլուծություն, հանրային կառավարում և այլն)։
• Առավել փորձառու մասնագետի համար 4 տարվա համապատասխան մասնագիտական փորձ կամ 3 տարվա փորձ հանրային կառավարման ոլորտում։
• Ներդրումային գնահատման սկզբունքների խորը իմացություն (օրինակ՝ ծախս-օգուտ վերլուծություն, տնտեսական նպատակահարմարություն)։
• Պետական ֆինանսների կառավարման համակարգերի իմացությունը կդիտարկվի որպես առավելություն։
• Microsoft Office-ի (օրինակ՝ Excel, Word) գերազանց իմացություն։
• Տվյալների վերլուծության մեթոդների և գործիքների (էկոնոմետրիկ մեթոդներ, PowerBI, Eviews և այլն) իմացությունը կդիտարկվի որպես առավելություն։
• Անգլերենի գերազանց իմացություն (բանավոր և գրավոր)։

Մենք առաջարկում ենք

• Հնարավորություն՝ անմիջականորեն նպաստելու Հայաստանի զարգացմանը և արդիականացմանը։
• Մասնագիտական ​​միջավայր, որտեղ կարևորվում են ապացույցների վրա հիմնված որոշումների կայացումը և պետական ​​հատվածում արդիական լուծումների կիրառումը։
• Մասնագիտական ​​զարգացման հնարավորություններ (վերապատրաստումներ և սեմինարներ (այդ թվում արտերկրում), գործուղումներ, հավաստագրման աջակցություն)։
• Կարիերայի աճի հնարավորություն:
• Մրցունակ աշխատավարձ՝ համապատասխան որակավորմանը և փորձին։

Դիմելու ընթացակարգը

Խնդրում ենք ուղարկել ձեր ինքնակենսագրությունը (CV) մինչև մայիսի 15-ը՝ թեմայի տողում նշելով «Դիմում PIM բաժնի համար» և պաշտոնի որի համար ներկայացվում է դիմումը: Ընտրված թեկնածուները կհրավիրվեն հարցազրույցի:

CV-ներն ուղարկել հետևյալ էլ. հասցեին՝ hrm@minfin.am