15.08.2025
ՀՀ ֆինանսների նախարարության ներքին աուդիտի ստորաբաժանման թիմին միանալու համար
ՀՀ ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆԸ ՀՐԱՎԻՐՈՒՄ Է ԱՇԽԱՏԱՆՔԻ
Աշխատանքի ենք հրավիրում մոտիվացված, առաջադեմ և փորձառու մասնագետների ֆինանսների նախարարության ներքին աուդիտի ստորաբաժանման թիմին միանալու համար
Աշխատանքի նկարագրությունը
- Նախարարության գործունեության ֆինանսական կառավարմանն ու հսկողությանն առնչվող բոլոր գործառույթների ներքին աուդիտի իրականացում.
- ներքին աուդիտի կանոնակարգի նախագծի մշակում.
- ներքին աուդիտի որակի երաշխավորման և բարելավման ծրագրի ստեղծում և իրականացում.
- ներքին աուդիտի միջավայրի սահմանում և դրա փոփոխությունների ուսումնասիրություն, վերլուծությունների իրականացում, առկա բիզնես-գործընթացների ուսումնասիրություն.
- իրավասու մարմինների կողմից կատարված ստուգումների և ուսումնասիրությունների արդյունքում հայտնաբերված խախտումների ու անհամապատասխանությունների վերացման աշխատանքների մոնիթորինգ (մշտադիտարկման) և հսկողություն.
- ներքին աուդիտի տարեկան և ռազմավարական ծրագրերի կազմում, հաստատում.
- կասկածելի, ոչ ստանդարտ թերություններ, չարաշահումներ պարունակող գործարքների և գործառնությունների պարզաբանմանն ու վերլուծությանն ուղղված աշխատանքներ.
- իրականացված աշխատանքների արդյունքում արձանագրված անհամապատասխանությունների և թերությունների վերացման հետագա ընթացքի նկատմամբ վերահսկողության իրականացում, վերստուգման գործընթաց:
Աշխատանքային պարտականությունները
- հետևել ներքին աուդիտի ստանդարտներին, ներքին աուդիտի կանոնակարգին և լիազոր մարմնի հաստատած ներքին աուդիտի մեթոդաբանությանը.
- իրականացնել ներքին աուդիտի միավորին առնչվող տեղեկությունների և փաստերի անաչառ և համակողմանի հավաքման, արձանագրման և ներքին աուդիտի գործընթացի փաստաթղթավորման աշխատանքները.
- ներքին աուդիտի ենթակա միավորի պաշտոնատար անձանց ծանոթացնել ներքին աուդիտին առնչվող իրենց իրավունքներին ու պարտականություններին և ներքին աուդիտի արդյունքներին.
- կատարել Բաժնի կանոնադրական գործառույթներից և խնդիրներից բխող Նախարարի հրամանները և տրված հանձնարարականները:
Կրթություն, որակավորում, փորձ
- Բարձրագույն կրթություն.
- Հայաստանի Հանրապետության ֆինանսների նախարարության կողմից տրված հանրային հատվածի ներքին աուդիտորի որակավորում կամ Հայաստանի Հանրապետությունում ընդունելի միջազգայնորեն ճանաչված աուդիտորների որակավորում կամ Հայաստանի Հանրապետությունում ներքին աուդիտի ոլորտում ընդունելի` այլ կառույցների կողմից տրված աուդիտորի որակավորում.
- Առնվազն երեք տարվա մասնագիտական գործունեության փորձ ներքին աուդիտի ոլորտում:
Կարողություններ
- Ռազմավարական մտածելակերպ.
- Հաղորդակցման հմտություն.
- Միջանձնային հարաբերություններ կառուցելու և համագործակցության ունակություն.
- Աշխատակիցներին մոտիվացնելու և խրախուսելու կարողություն.
- Ինքնուրույն խնդիրներ վերլուծելու և խելամիտ լուծում առաջարկելու ունակություն.
- Բանակցելու ունակություն.
- Թիմում աշխատելու հմտություն.
- Վերլուծելու ունակություն:
Այլ
- Անգլերենի իմացություն.
- Microsoft Office-ի (օրինակ՝ Excel, Word) գերազանց իմացություն.
- Տեղեկատվական տեխնոլոգիաների կիրառման ունակություն.
- Մրցունակ աշխատավարձ՝ համապատասխան որակավորմանը և փորձին։
Դիմելու ընթացակարգը
Փաստաթղթերը ուղարկել 2025 թվականի սեպտեմբերի 15-ը ներառյալ (թեմայի տողում նշելով «Ներքին աուդիտ»)՝ hrm@minfin.am էլ հասցեին.
- ինքնակենսագրությունը՝
- բարձրագույն կրթությունը հավաստող փաստաթղթի լուսապատճենը.
- աշխատանքային գործունեությունը հավաստող փաստաթղթի (աշխատանքային պայմանագիր, աշխատանքի ընդունման մասին իրավական ակտ, աշխատանքային գրքույկ) լուսապատճենը.
4. տեղեկություն որակավորման մասին
Օտարալեզու փաստաթղթերի դեպքում՝ նաև հայերեն թարգմանությունը:
Փաստաթղթերի ուսումնասիրությունից հետո ընտրված թեկնածուները կհրավիրվեն հարցազրույցի:
