Հարգելի՛ գործընկերներ,
ՀՀ ֆինանսների նախարարությունը, նպատակ ունենալով բարելավել ՀՀ պետական բյուջեի կատարման մասին հաշվետվությունների որակը, բովանդակությունը, դրանք համապատասխանեցնել շահառուների պահանջներին, հաշվետվությունները դարձնել հանրության համար առավել մատչելի և կիրառման տեսանկյունից առավել հարմար, նախաձեռնել է շահառուների հետ խորհրդատվական գործընթաց: Վերջիններիս պահանջները վերհանելու նպատակով մշակվել է հարցաթերթ, որն ուղարկվել է հաշվետվություններից օգտվող հիմնական շահառուներին, ինչպես նաև հրապարակվել է ՀՀ ֆինանսների նախարարության պաշտոնական կայքում:
Հարցման արդյունքներն ամփոփվել են նախարարության կողմից, քննության են առնվել ներկայացված առաջարկներն ու դիտողությունները: Հարցման արդյունքները ներկայացնելու և առանձին հարցերի շուրջ քննարկում ծավալելու նպատակով հրավիրում ենք Ձեզ մասնակցելու ՀՀ ֆինանսների նախարարության կողմից սույն թվականի փետրվարի 17-ին ժամը 10:00-ին ՀՀ ֆինանսների նախարարության 2-րդ հարկի դահլիճում (N 1) կազմակերպվող հանդիպմանը:
Մասնակիցների մուտքը ՀՀ ֆինանասների նախարարության շենք ապահովելու նպատակով խնդրում ենք մինչև փետրվարի 16-ը՝ ժամը 17:00-ը, մասնակիցների ցանկն ուղարկել emma.ghaytanjyan@minfin.am էլեկտրոնային հասցեին:
Ակնկալում ենք ակտիվ մասնակցություն և արդյունավետ քննարկում:
