Կանանց տոնական միամսյակի կապակցությամբ մարտի 15-ից ապրիլի 5-ը ֆինանսների նախարարության կին աշխատակիցների համար կազմակերպվել է «Ժամանակակից կյանքի պայմանները և կանացիությունը բնորոշող որակների համադրումը» թեմայով հանդիպում-քննարկում ՀՀ ՊԿԱ հոգեբանության և քաղաքագիտության ամբիոնի վարիչ, հոգեբանական գիտությունների թեկնածու, դոցենտ, դիպլոմավորված գեշտալտ թերապևտ Լաուրա Պետրոսյանի հետ:
Հանդիպումների նպատակն էր մասնակիցներին ծանոթացնել ժամանակակից պայմաններում անձի հավասարակշռությունը պահպանելու, զարգացնելու, արդյունավետ որոշումներ կայացնելու, անորոշ իրադրությունները հաղթահարելու առանձնահատկություններին, ինչպես նաև ձևավորել սթրեսները, կոնֆլիկտները հաղթահարելու հմտություններ:
Մայրության և գեղեցկության օրվան ընդառաջ անցկացվել է նաև «Ստեղծագործում են ՀՀ ֆինանսների նախարարության կին աշխատակիցները» խորագրով միջոցառում, որի ընթացքում կանայք հանդես են եկել իրենց ստեղծագործություններով՝ ներկայացնելով արվեստի տարբեր ճյուղեր (նկարչություն, ասեղնագործություն, հուլունքագործություն և ձեռքի այլ աշխատանք, պոեզիա, հեղինակային ստեղծագործություններ և այլն):Միջոցառումը եզրափակվել է Նախարարության գլխավոր քարտուղար Կարեն Սարգսյանի կողմից մասնակիցներին շնորհակալագրերի հանձնման արարողությամբ:
Միջոցառումների շարքն ամփոփվել է ֆինանսների նախարարության ղեկավար կազմի կողմից կին աշխատակիցներին մատուցած անակնկալով:
