Դեկտեմբերի 29-ին ՀՀ ֆինանսների նախարարությունն ամփոփել է աշխատանքային տարին: Պարգևատրվել են համակարգի մի շարք աշխատակիցներ:
Նախարար Արամյանը շնորհավորել է նախարարության աշխատակիցներին գալիք տոների կապակցությամբ, շնորհակալություն հայտնել համատեղ աշխատանքի համար և նշել, որ տարեմուտը լավագույն առիթն է նրանց ներդրած ջանքերը գնահատելու համար:
Պարգևատրման հանդիսավոր արարողությունը տեղի է ունեցել ՀՀ ֆինանսների նախարարությունում:
Ֆինանսական համակարգում երկարամյա բարեխիղճ աշխատանքի և ձեռք բերած նվաճումների համար նախարարության աշխատակիցները պարգևատրվել են ՀՀ վարչապետի հուշամեդալով և շնորհակալագրերով:
ՀՀ ֆինանսների նախարարի հրամանով 2017 թվականի ընթացքում ծառայողական պարտականությունները և մասնագիտական աշխատանքը բարեխղճորեն և նվիրումով կատարելու, կատարողական բարձր ցուցանիշներ գրանցելու և գերազանց արդյունքներ ցուցաբերելու համար ՀՀ ֆինանսների նախարարության աշխատակիցները պարգևատրվել են պատվոգրով և շնորհակալագրերով:
