Ֆինանսների նախարարության գնումների քաղաքականության վարչության պետ Սերգեյ Շահնազարյանի գլխավորությամբ այսօր՝ մայիսի 22-ին, տեղի է ունեցել գնումների էլեկտրոնային համակարգի տեխնիկական առաջադրանքի նախագծի քննարկում, որին մասնակցել են ՀՀ պետական գերատեսչությունների ներկայացուցիչները:
Սերգեյ Շահնազարյանը ներկայացրել է ծրագրի իրագործման և ներդրման կարևորագույն նպատակը,մատնանշելով այն փաստը,որ նոր աշխատանքային գործիքն ապահովելու է գնումների կենտրոնացում, ավտոմատացում և գործող ծրագրերի հետ ինտեգրման գործընթացի ճկունություն՝ համապատասխանելով պետական ֆինանսների կառավարման համակարգի բարեփոխումների ռազմավարության պահանջներին:
Անդրադարձ կատարելով գնումների համակարգում առկա հիմնական խնդիրներին՝ շահագրգիռ կողմերը հանդես են եկել հարցադրումներով և առաջարկներով,որոնք անհրաժեշտ են համարվել հաշվի առնել գնումների էլեկտրոնային համակարգի տեխնիկական առաջադրանքի նախագծի վերաբերյալ հետագա աշխատանքներում:
