Շարունակվում է Ֆինանսների նախարարության պատվիրակության մասնակցությունը Վերակառուցման և զարգացման եվրոպական բանկի կառավարիչների խորհրդի 32-րդ տարեկան հանդիպմանը և գործարար համաժողովին։
ՀՀ ֆինանսների նախարար Վահե Հովհաննիսյանի և ՎԶԵԲ գլխավոր քարտուղար Կազուհիկո Կոգուչիի միջև մայիսի 17-ին ստորագրվել է փոխըմբռնման հուշագիր՝ հաջորդ տարի ՎԶԵԲ կառավարիչների խորհրդի տարեկան հանդիպումը Երևանում հյուրընակելու կապակցությամբ։
Նույն օրը կայացել է Կառավարիչների խորհրդի տարեկան հանդիպման պաշտոնական բացման արարողությունը տարբեր երկրների պատվիրակությունների և գործարար համայնքի ներկայացուցիչների մասնակցությամբ։
«Դիմակայունությանն ուղղված ներդրումներ» գործարար համաժողովի ընթացքում հայկական կողմը կազմակերպել է առանձին ներդրումային նիստ՝ ուղղված Հայաստանի ներդրումային միջավայրի խթանմանը և հնարավոր ներդողների ուշադրությունը Հայաստանում ներդրումային գործունեություն ծավալելու առավելությունների և հնարավորությունների վրա։
