Հարավային Կորեայի Ինչոն քաղաքում ընթացող ԱԶԲ տարեկան հանդիպման շրջանակներում մայիսի 4-ին ԱԶԲ Նախագահի գլխավորությամբ կայացել է ԱԶԲ Կառավարիչների Գործարար նիստը, որին մասնակցել է նաև ՀՀ ֆինանսների նախարար Վահե Հովհաննիսյանի գլխավորած պատվիրակությունը։ Հանդիպման շրջանակներում հաստատվել են ընթացակարգային մի շարք փաստաթղթեր, ինչից հետո մասնակից պետությունները հանդես են եկել առանձին ելույթներով։
ՀՀ ֆինանսների նախարարը նույնպես հանդես է եկել առանձին ելույթով։ Մասնավորապես, հայկական կողմն ընդգծել է ՀՀ և ԱԶԲ միջև երկարամյա արդյունավետ համագործակցությունը, որն, ի թիվս այլնի, ընդգրկում է այնպիսի կարևորագույն ոլորտներ, ինչպիսիք են՝ ենթակառուցվածքների զարգացումը, տարածաշրջանային համագործակցությունը, կլիմայի փոփոխությունը, հանրային հարվածում բարեփոխումների իրականացումը և այլն։
Անդրադարձ է կատարվել նաև ԱԶԲ կողմից փորձի փոխանակման և կարողությունների զարգացմանն ուղղված նախաձեռնությունների, ինչպես նաև ԱԶԲ կողմից շարունակաբար տրամադրվող տեխնիկական աջակցության ծրագրերի կարևորությանը։
Գործարար նիստի օրակարգում են եղել նաև կլիմայական ռիսկերի կառավարման, ԱԶԲ ներքին բարեփոխման, գենդերային հավասարությանն առնչվող հարցեր:
