ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ

Հարավային Կորեայի Ինչոն քաղաքում մայիսի 2-ից 5-ը ընթացող ԱԶԲ 56-րդ տարեկան հանդիպումները հայկական պատվիրակությունը եզրափակել է ԱԶԲ նախագահ Մասացուգու Ասակավայի հետ հանդիպմամբ։

ՀՀ ֆինանսների նախարար Վահե Հովհաննիսյանը շնորհակալություն է հայտնել ԱԶԲ նախագահին Հայաստանին ցուցաբերած շարունակական աջակցության և արդյունավետ համագործակցության համար։ Հանդիպման ընթացքում կողմերն անդրադարձել են ճանապարհաշինության, առողջապահության, պետական հատվածի բարեփոխումների ոլորտներում ընթացիկ համագործակցությանը:

Քննարկվել են նաև առաջիկա տարիների ՀՀ-ԱԶԲ փոխգործակցության խորացման հեռանկարները և համագործակցության արդյունավետության բարձրացմանն ուղղված հնարավոր մեխանիզմները։