ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ՆԱԽԱՐԱՐՈՒԹՅՈՒՆ

Ֆինանսների նախարարությունում տեղի է ունեցել աշխատանքային հանդիպում Արժույթի միջազգային հիմնադրամի (ԱՄՀ) հայաստանյան առաքելության ղեկավար Իվա Պետրովայի գլխավորած պատվիրակության հետ

Նախարար Վահե Հովհաննիսյանը, ողջունելով հյուրերին, բարձր է գնահատել Արժույթի միջազգային հիմնադրամի հետ ծավալած արդյունավետ համագործակցությունը եւ վերահաստատել Կառավարության հանձնառությունը՝ ԱՄՀ ընթացիկ պահուստային ծրագրով նախատեսված բարեփոխումների իրականացման նկատմամբ:

Հանդիպման ընթացքում կողմերն անդրադարձել են ԱՄՀ ընթացիկ ծրագրի միջոցառումների իրականացման ընթացքին, պայմանավորվածություններ ձեռք բերել արդյունավետ փոխգործակցության շարունակականության ապահովման շուրջ: