ՀՀ ֆինանսների նախարարության Նախարարության մարդկային ռեսուրսների կառավարման վարչությունը փետրվարի 7-ին ճանաչողական այց է կազմակերպել ԵՊՀ Սոցիոլոգիայի ֆակուլտետի «Մարդկային ռեսուրսների կառավարում» մագիստրոսական ծրագրի ուսանողների և ծրագրի ղեկավարի համար:
Ուսանողները հանդիպել են Ֆինանսների նախարարության գլխավոր քարտուղար Կարեն Սարգսյանի և ՄՌԿ վարչության աշխատակիցների հետ: Կարեն Սարգսյանը ներկայացրել է նախարարությունում մարդկային ռեսուրսների կառավարման ոլորտում վերջին շրջանում իրականացված փոփոխությունները, ծանոթացրեց պետական համակարգում մարդկային ռեսուրսների կառավարման առանձնահատկություններին և նախարարությունում՝ նշված որորտում կատարվելիք աշխատանքներին:
Հանդիպման ավարտին Կարեն Սարգսյանը պատասխանել է ուսանողների հարցերին:
Ծրագրի ղեկավարն իր շնորհակալական խոսքում ընդգծել է հանդիպման կարևորությունը և նշել, որ հանդիպումը կոտրել է ուսանողների մոտ առկա պետական համակարգում մարդկային ռեսուրսների կառավարման վերաբերյալ կարծրատիպերը:
