Ֆինանսների նախարարության գլխավոր քարտուղար Կարեն Սարգսյանը և պետական պարտքի կառավարման վարչության պետ Արշալույս Մարգարյանն այսօր գլխավորել են Հայաստանի պետական տնտեսագիտական համալսարանի և նույն համալսարանի քոլեջի ուսանողների հետ հանդիպումը:
Գլխավոր քարտուղար Կարեն Սարգսյանն ապագա մասնագետների հետ խոսել է մասնագիտական կողմնորոշման, նախընտրելի ոլորտների մասին, հետաքրքրվել ուսանողների նախասիրություններով և կարևորել աշխատանքային հմտությունների և կարողությունների շարունակական զարգացումը:
Հանդիպման ընթացքում Արշալույս Մարգարյանը ուսանողներին է ներկայացրել պետական պարտքին առնչվող գործընթացները, կիսվել Նախարարությունում սեփական աշխատանքային փորձով և պատասխանել հնչեցված հարցերին:
Ուսանողները շրջայց են կատարել ՀՀ ֆինանսների նախարարության շենքում, ինչպես նաև ծանոթացել Նախարարությունում աշխատանքի առանձնահատկություններին և հիմնական ուղղություններին:
