ՀՀ ֆինանսների նախարար Վարդան Արամյանը եռօրյա այցով մեկնել է Վաշինգտոն՝ մասնակցելու Արժույթի միջազգային հիմնադրամի և Համաշխարհային բանկի տարեկան հանդիպումներին: Հանդիպումների օրակարգը հագեցած է օտարերկրյա պետությունների և միջազգային կազմակերպությունների բարձրաստիճան պաշտոնյաների հետ քննարկումներով:
Համաշխարհային բանկի խմբի և Արժույթի միջազգային հիմնադրամի կառավարիչների խորհրդի տարեկան հանդիպումների նպատակն է քննարկել համաշխարհային նշանակության հարցեր, ներառյալ` համաշխարհային տնտեսական հեռանկարները, աղքատության հաղթահարումը, տնտեսական զարգացումը և տրամադրվող օգնության արդյունավետությունը: Վերջինիս շրջանակներում իրականացվում են նաև սեմինարներ, տարածաշրջանային ճեպազրույցներ, մամուլի ասուլիսներ և այլ միջոցառումներ` համաշխարհային տնտեսության, միջազգային զարգացման և համաշխարհային ֆինանսական համակարգի վերաբերյալ: