Հունիսի 3-ին ՀՀ ֆինանսների նախարար Ատոմ Ջանջուղազյանն ընդունել է Ասիական զարգացման բանկի փոխնախագահ Շիխին Չենի գլխավորած պատվիրակությանը:
Հանդիպման ընթացքում կողմերն անդրադարձել են ՀՀ-ի և ԱԶԲ-ի միջև առկա համագործակցության հիմնական երկու ուղղություններին՝ բյուջետային աջակցության ծրագրերին և նպատակային վարկերին, ինչպես նաև պետական ֆինանսների արդյունավետ կառավարմանը:
Ատոմ Ջանջուղազյանը նշել է, որ ներկայումս ՀՀ-ում ներդրված հարկաբյուջետային կանոնները հնարավորություն են ընձեռում կառավարել ռիսկերը, ինչպես նաև խթանել տնտեսության զարգացումը: Նախարարը բարձր է գնահատել ԱԶԲ-ի դերը ՀՀ տնտեսական կայունության ապահովման և ՀՀ կառավարության բարեփոխումների իրականացման գործընթացում:
Շիխին Չենի խոսքով՝ Հայաստանի ներկայիս հարկաբյուջետային իրավիճակի բարելավումը տպավորիչ է, և ԱԶԲ-ն պատրաստ է աջակցել Հայաստանին առաջիկա բարեփոխումների շրջանակներում: Նա հույս է հայտնել, որ ՀՀ-ի և ԱԶԲ-ի միջև նման համագործակցությունը օրինակելի մոդել կլինի նաև այլ երկրների համար:
Հանդիպման ընթացքում կողմերը քննարկել են նաև ՀՀ կառավարության կողմից իրականցավող պարտքի կայունացմանը, ենթակառուցվածքների զարգացմանը և այլ առաջնահերթությունների վերաբերող հարցեր: