09.08.2019
Հայաստանի և Ղրղզստանի միջև ստորագրվել է եկամուտների կրկնակի հարկումը բացառելու մասին համաձայնագիր
Օգոստոսի 9-ին Ղրղզստանի Չոլպոն-Ատա քաղաքում ստորագրվել է «Հայաստանի Հանրապետության կառավարության և Ղրղզստանի Հանրապետության կառավարության միջև եկամտի կրկնակի հարկումը բացառելու և հարկումից խուսափելը կանխելու մասին» համաձայնագիրը։
Հայաստանի Հանրապետության և Ղրղզստանի Հանրապետության միջև եկամուտների կրկնակի հարկումը բացառելու մասին համաձայնագրի կնքումը հայկական և ղրղզական ներդրողների համար փոխադարձաբար կձևավորի կայուն և կանխատեսելի հարկային դաշտ, որը կարող է խթան հանդիսանալ երկու երկրների միջև փոխադարձ ներդրումների ներգրավման համար: Կստեղծվի առևտրատնտեսական կապերը, ինչպես նաև աշխատուժի, ապրանքների և տեխնոլոգիաների շարժը ակտիվացնելու հնարավորություններ:
