Ազգային ժողովի մշտական հանձաժողովների համատեղ նիստում մայիսի 29-ին սկսվել են «Հայաստանի Հանրապետության 2022 թվականի պետական բյուջեի կատարման մասին» տարեկան հաշվետվության նախնական քննարկումները:
Նիստին ներկա են եղել ՀՀ վարչապետ Նիկոլ Փաշինյանը, ՀՀ ԱԺ նախագահ Ալեն Սիմոնյանը, գործադիր և օրենսդիր իշխանությունների ներկայացուցիչներ:
ՀՀ վարչապետ Նիկոլ Փաշինյանը հանդես է եկել ելույթով, որի ընթացքում անդրադարձել է տնտեսական, ֆինանսական ու սոցիալական ցուցանիշներին:
Ֆինանսների նախարար Վահե Հովհաննիսյանը ներկայացրել է 2022 թվականի սոցիալ-տնտեսական զարգացման և հարկաբյուջետային քաղաքականության հիմնական ուղղությունները, մակրոտնտեսական և հարկաբյուջետային զարգացումները, ինչպես նաև անդրադարձ է կատարել նախորդ տարվա պետական բյուջեի եկամուտներին և ծախսերին, պակասուրդին և պետական պարտքին:
