14.07.2023
ՀՀ ֆինանսների նախարար Վահե Հովհաննիսյանը ներկա է գտնվել Երևանի պետական համալսարանում դիպլոմների հանձնման արարողությանը
ՀՀ ֆինանսների նախարար Վահե Հովհաննիսյանը հուլիսի 13-ին ներկա է գտնվել Երևանի պետական համալսարանի տնտեսագիտության և կառավարման ֆակուլտետի շրջանավարտների դիպլոմների հանձնման պաշտոնական արարողությանը:
Նախարար Հովհաննիսյանը, շնորհավորելով շրջանավարտներին, հաջողություններ է մաղթել իրենց հետագա գործունեության մեջ և հույս հայտնել, որ շրջանավարտներն իրենց ստացած մասնագիտական գիտելիքները կծառայեցնեն ի շահ Հայաստանի տնտեսության զարգացման:
Վահե Հովհաննիսյանը դիպլմներ է հանձնել համալսարանը գերազանցությամբ ավարտած ուսանողներին:
Հիշեցնենք, որ սույն թվականի փետրվարի 10-ին ՀՀ ֆինանսների նախարարության և Երևանի պետական համալսարանի միջև ստորագրվել է համագործակցության հուշագիր:
