Համաշխարհային բանկի PEMPAL բյուջետային գործընկերության «Պետական ֆինանսների կառավարման ոլորտում փոխադարձ ուսուցում և փորձի փոխանակում» ցանցը նպաստում է Եվրոպական տարածաշրջանի և Կենտրոնական Ասիայի երկրների պետական ֆինանսների ոլորտի մասնագետների մասնագիտական փորձի փոխանակմանը և գիտելիքների փոխանցմանը: Այս հարթակը թույլ է տալիս իր անդամներին մշակել տարբերակներ հանրային ֆինանսների կառավարման ընդհանուր խնդիրների լուծումների վերաբերյալ, որոնք վերաբերում են բյուջեին, գանձապետական գործունեությանը և ներքին աուդիտին: Բյուջետային գործընկերության հանձնախմբի հիմնական նպատակն է ամրապնդել բյուջեի մեթոդաբանությունը, պլանավորումը և թափանցիկությունը մասնակից երկրներում: Հանձնախմբի անդամները հիմնականում բարձրաստիճան և միջին պաշտոնյաներ են, բյուջեի պլանավորման կամ բյուջեի մեթոդաբանության/քաղաքականության համար պատասխանատու անձինք՝ ֆինանսների նախարարություններից։ Բյուջետային խմբի գործունեության ռազմավարական առաջնահերթ ոլորտներն են՝
- բյուջեի արդյունավետ կառավարման գործիքների կատարելագործումը,
- հարկաբյուջետային թափանցիկության և հաշվետվողականության բարձրացումը և
- տարածումը։
Համաշխարհային բանկի PEMPAL բյուջետային գործընկերության կողմից կազմակերպվող PEMPAL անդամ երկրների տարեկան լիագումար նիստին մասնակցելու նպատակով, որը իրականացվել է 2024 թվականի ապրիլի 15-ից մինչև ապրիլի 19-ը ներառյալ ք. Սարաևո (Բոսնիա և Հերցեգովինայի Դաշնություն)` գործուղվել են մասնակցելու նաև ՀՀ Ֆինանսների նախարարության աշխատակիցները։
Հանդիպման հիմնական նպատակներն են եղել.
- ծանոթանալ Բոսնիա և Հերցեգովինայի պետական ֆինանսական կառավարման համակարգին և ՏՏ աջակցող գործիքներին,
- հավաքել կարծիքներ/feedback բյուջետային գործընկերության կողմից իրականացվող ռազմավարական պլանավորման և բյուջետավորման նոր մոտեցման վերաբերյալ և ուսումնասիրել PEMPAL երկրների դեպքերն այս թեմատիկ ոլորտում
- ուսումնասիրել բյուջետային գործընկերության կողմից իրականացված ուսումնասիրության նախնական արդյունքները՝ PEMPAL անդամ երկրներում ծրագրերի և արդյուքների վրա հիմնված բյուջեի կազմման փորձի վերաբերյալ՝ դրանք համեմատելով ՏՀԶԿ երկրների պրակտիկայի հետ,
- ծանոթանալ բյուջետավորման գործընթացում արհեստական բանականության կիրառման և այլ նորարարական գործիքների օգտագործմանը, որոնք կներկայացվեն միջազգային կազմակերպությունների կողմից,
- բյուջեի թափանցիկության փորձի ուսումնասիրություն PEMPAL երկրների օրինակով,
- փորձի փոխանակում և կարծիքների հավաքագրում PEMPAL-ի երկրների միջև, 2025 թվականի ֆինանսական տարվա առաջնահերթ թեմաների վերաբերյալ:
- հանդիպման ժամանակ ներկայացվել է նաև «Ռազմավարական քաղաքականությունների համապատասխանությունը բյուջետային ծրագրերին» շնորհանդես ՀՀ օրինակով, որից հետո իրականացվել են քննարկումներ, փորձի փոխանակում և կարծիքների հավաքագրում:
Դասընթացի արդյունքում ձեռք բերված գիտելիքները թույլ կտան նոր մոտեցումներ, նոր գործիքակազմ կիրառել բյուջետային գործընթացի արդյունավետությունը և հաշվետվողականությունը բարելավելու համար, ինչպես նաև կատարելագործել այն գործիքները, որոնք թույլ կտան հաջող հարկաբյուջետային կառավարում իրականացնել, ապահովել հարկաբյուջետային թափանցիկությունն ու հաշվետվողականությունը:
Դասընթացի նյութերին առավել մանրամասն կարող եք ծանոթանալ հետևյալ հղմամբ՝ https://www.pempal.org/events/bcop-2024-plenary-meeting :