07.05.2021
ՀՀ ֆինանսների նախարարության և Վերակառուցման և զարգացման միջազգային բանկի միջև ստորագրվել է դրամաշնորհային համաձայնագիր
Մայիսի 7-ին Հայաստանի Հանրապետության՝ ի դեմս ՀՀ ֆինանսների նախարարության, և Վերակառուցման և զարգացման միջազգային բանկի միջև ստորագրվել է «Հայաստանի աջակցությունը հակամարտության ազդակիր ընտանիքներին» դրամաշնորհային համաձայնագիր, որի շրջանակներում Պետականության և խաղաղարարության հիմնադրամի միջոցներից Հայաստանին կհատկացվի 3,718,218 ԱՄՆ դոլար գումարի չափով դրամաշնորհ:
Դրամաշնորհային աջակցությունն ուղղվելու է Հայաստանում Արցախից տեղահանված անձանց և նրանց հյուրընկալող ընտանիքներին կանխիկ դրամական փոխանցումների, ինչպես նաև Հայաստանում տեղահանված անձանց համար վարձատրվող հասարակական աշխատանքների և ժամանակավոր զբաղվածության ծրագրերի իրականացմանը:
